明明已經做好防曬，但仲是被曬黑？長時間在戶外活動，一定要記住補塗防曬霜！受外界因素影響，防曬霜嘅防曬能力會隨著時間降低，而且出汗之後我哋抹汗亦會帶走部分，所以，長時間在戶外活動，要經常補塗防曬。
不過如果有化妝出門，補塗防曬就唔可以亂咁塗，避免整花個妝。使用唔同類型防曬霜，亦有唔同方法補塗，而且唔會整花個妝！
噴霧型防曬
在補塗防曬霜前，需要使用紙巾輕輕按壓面部，將表面油脂或汗水吸乾，確保皮膚表面乾燥。再將防曬霜噴在紙巾、化妝棉或濕海綿上，少量多次在面上按壓，切忌將防曬噴霧直接對準面部噴射。最後，使用定妝粉修飾面部，亦可以選擇含有防曬功能嘅粉餅，加強防曬功效。
乳液、乳霜型防曬
將適量嘅防曬霜擠係手掌，用指尖或海綿輕輕按壓在面部，再用化妝棉輕輕拍打補塗部位，幫助防曬霜更好融入皮膚形成保護膜，要特別注重額頭、鼻樑及下巴等易被曬部位，等待1至2分鐘成膜後，再使用定妝產品均勻膚色。
除此以外，如果長時間在戶外活動，亦要穿好防曬衣、防曬帽及墨鏡等，避免被曬傷。曬後注意做好補水工作，避免皮膚出現泛紅、痕癢等問題。